【雖然是精神病但沒關係 OST】開箱！！！

【雖然是精神病但沒關係】都追完一排，好空虛啊，套劇真係一套寫得好好嘅劇，全劇嘅演員都十分好戲，特別係吳政世，或者我遲下再寫篇劇評，今次係因為我追完套劇之後覺得劇入嘅歌好好聽，所以係網上訂左佢嘅OST(原聲大碟)，劇入嘅每一首歌及配樂都同劇情配合得好恰到好處，能夠帶動到觀眾嘅情緒投入去，雖然價錢唔算平，但都算物有所值。

真係開箱！好大的一箱！😮

拆開喇！好精美！(外觀)

好靚女啊😍！！(寫真書)

拆開入面有2隻CD，書籤一張、寫真書一本(80頁)、立體咭一張及隨機嘅小咭2張，仲有唱片店送的海報一張，而且CD嘅包裝都好精美，DISC 1係劇集內面由歌手唱嘅歌曲，DISC 2就係劇入面嘅配樂，完全收錄哂所歌同配樂(唯獨一首，文章尾會講)，滿足所有劇迷嘅願望，一聽返就好似係腦入面重溫套劇咁，大滿足！😊

物有所值👍

書籤就係劇入面隻變種蝴蝶(驚？！😱)，造型都幾精美，配合返套劇係以故事書作背景嘅主軸，而女主角更加係童話書作家，所以送書籤都好啱丫，好讓大家每次閱讀時都想起套劇；立體咭就係劇入面卡通人物男女主角嘅造型，都幾可愛🥰；隨機嘅2張小咭我抽到係金秀賢(我想要徐睿知啊！！😍)同全家福(呢張正！)，係日曆咭SIZE，為左可以比FANS放係銀包！？(誤🤣)；另外，本寫真書係幾吸引，全部都係劇照，但唔知係咪印刷定書嘅質料問題，因為佢好似以絨面質地印刷，D相好似燶左咁，所以出黎效果會有少少燶左咁，但都可以接受嘅。

Everybody be happy! happy! happy!😂

成隻碟D歌都好好聽，D歌手又唱得好有感情，我特別鍾意 Sam Kim嘅 Breath，呢首真係好配合到男主角同女主角當時係雨中相遇嘅浪漫情境，每次聽都諗呢一幕，像徵住希望嘅一幕，兩顆受傷嘅心終於走到一起，好回味。

呢一幕真係好浪漫🥰，配合埋首歌，真係一流👍

另外，MY TALE、PUZZLE同Hallelujah都好好聽，MY TALE就係片尾曲，每次都可以為套劇嘅每一集好好收結，而Hallelujah就係代表住佢男女主角有如「羅密歐與茱麗葉」悲慘命運嘅主題曲，另外，當男主角第一次主動約女主角而響起嘅歌PUZZLE都令人聽起來有種開朗暢快嘅感覺。

聽住首歌，睇住劇情，真係同鋼太一齊咁傷心😭

鋼太終於放開心情，主動約文英去玩啦！🥰(但下一秘就後悔？！🤭)

隻碟仲有其他歌都好好聽，就正如我所講係物有所值，不過，有一首歌好似遺漏左？！就係院長獻唱果首歌無收錄入隻碟，有點可惜😔，不過唔緊要，大家都可以重溫返套劇再聽多次，你地又鐘意劇入面邊首歌呢？你地又有無買？你地都分享同介紹下丫！😁

院長首歌無收錄，有D可惜😔